“Poçt haqqında” Azərbaycan Respublikası Qanununun tətbiq edilməsi barədə” və “Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında” fərmanlarda dəyişiklik edilib.

Barədə Prezident İlham Əliyev fərman imzalayıb.

Fərmanla universal poçt rabitəsi xidmətlərinin tariflərini müəyyənləşdirmək səlahiyyəti Rəqəmsal İnkişaf və Nəqliyyat Nazirliyinə verilib.

Belə ki, bundan sonra RİNN İqtisadiyyat Nazirliyinin və Maliyyə Nazirliyinin rəyi nəzərə alınmaqla, universal poçt rabitəsi xidmətlərinin tariflərini müəyyənləşdirəcək.

Bu vaxta qədər sözügedən səlahiyyət Tarif (qiymət) Şurasında olub.