“Heydər Əliyev İli” ilə əlaqədar həyata keçirilən tədbirlər çərçivəsində Milli Məclisin sədr müavini, Gənclər və idman komitəsinin sədri Adil Əliyevin rəhbərlik etdiyi millət vəkilləri Sabir Hacıyevin, Cəbi Quliyevin, Əliabbas Salahzadənin, Milli Məclisin Aparat rəhbəri Fərid Hacıyevin və Aparatın əməkdaşlarından ibarət qrupla “Heydər zirvəsi”nə yürüş ediblər. 

17 noyabr tarixində başlanılmış yürüş, 18 noyabr tarixində Böyük Qafqazın Başdağ silsiləsinin Qızıl Qaya massivində, 3751 metr hündürlükdə yerləşən “Heydər zirvəsi”nə qalxmaqla yekunlaşıb. 

Zirvədə Ulu Öndər Heydər Əliyevin barelyefini ziyarət edərək, hörmət və ehtiramını izhar edən yürüş iştirakçıları ağır hava şəraitinə və çətin relyefə baxmayaraq, yürüş zamanı qarşıya qoyulmuş məqsədə nail olublar.

Mənbə; Qafqazinfo

RegionXəbərləri; Fuad Türksoyun Blogu