Türkiyə Milli Kəşfiyyat Təşkilatı (MİT) İraqın şimalında Süleymaniyyə şəhərində xüsusi əməliyyat keçirib.

Yeniavaz.com TRT-yə istinadla xəbər verir ki, əməliyyat zamanı PKK/KCK terror təşkilatı adından xərac toplayan və təşkilatı heyətlə təmin edən Ciyan Mardin kod adlı Gülsümə Doğan zərərsizləşdirilib.

Aparılan araşdırmalar nəticəsində terrorçu Gülsümə Doğanın aldığı təlimatlara uyğun olaraq bölgə xalqından vergi adı altında xərac tələb etdiyi, toplanan pulları təhlükəsizlik qüvvələrinə qarşı hücum fəaliyyətlərində istifadə etdiyi və təşkilata maddi-texniki dəstək verdiyi müəyyən edilib.

Terrorçunun təşkilatın sıralarına yeni yaraqlılar cəlb etmək üçün azyaşlı uşaqları təşkilata cəlb etmək istiqamətində fəaliyyət göstərdiyi də müəyyən olunub.