Türkiyənin Milli Kəşfiyyat Təşkilatı (MİT) Suriyada təşkil etdiyi əməliyyatla PKK/YPG terror təşkilatının Ayn Əl Ərəb “məsul”u Karker Andok kod adlı Mutlu Kacarı zərərsizləşdirib.

Haberler.com xəbər verir ki, Kacar daha əvvəl 2 Türkiyə əsgərinin şəhid olduğu hücumla bağlı təlimat verib.

Kacar Tel Rifat şəhərində fəaliyyət göstərərkən “Fərat Qalxanı” Əməliyyat zonasında xidmət edən Türkiyə təhlükəsizlik güvvələrinin karvanına qarşı əməliyyat keçirilməsi barədə əmr verib. Əməliyyat nəticəsində çavuş Fatih Güney və baş çavuş Emrah Arslan şəhid olub.

MİT türk əsgərlərinin şəhid olduğu bu əməliyyatın əmrini verən PKK üzvünün Mutlu Kacar olduğunu müəyyən edib və onu axtarışda olan terrorçular siyahısına əlavə edib.

MİT-in təqiblərindən qaçmaq istəyən Kacar əməliyyatdan sonra Suriyanın Tel Rifat şəhərindən Derik qəsəbəsinə köçüb. Bir müddət burada əməliyyat keçirən Kacar MİT tərəfindən müəyyən olunacağından qorxaraq yenidən fəaliyyət yerini dəyişib. Nəhayət, o, “məsul” kimi Ayn Əl Ərəbə gəlib. MİT uzun müddətdir sərhəddən kənarda axtardığı Mutlu Kacarı həyata keçirdiyi əməliyyat nəticəsində zərərsizləşdirib.