“İsrail həbsxanalarında 44 fələstinli jurnalist saxlanılır”.

Bu barədə Fələstin Jurnalistlər Birliyindən verilən yazılı bəyanatda qeyd edilib.  

Bəyanata görə, oktyabrın 7-dən bu yana 41 jurnalist nəzarətə alınıb, onlardan 12-i müxtəlif həbs müddətlərindən sonra sərbəst buraxılıb.

Bəyanatda 29 jurnalistlə yanaşı, oktyabrın 7-dən əvvəl İsrail tərəfindən həbs olunan 15 jurnalistin də həbsinin davam etdiyi bildirilib.

Qeyd olunub ki, ümumilikdə 44 mətbuat işçisi cəzaçəkmə müəssisələrində “inzibati həbs” qaydası ilə saxlanılıb.

“İnzibati həbs” qaydası o deməkdir ki, İsrail fələstinliləri heç bir ittiham irəli sürmədən işğal etdiyi ərazilərdə saxlayır. Bu qaydaya görə fələstinlilər onlara qarşı ittiham irəli sürülmədən və müdafiə hüquqları olmadan 6 aya qədər həbs edilə bilərlər. Bu müddətdən sonra hərbi məhkəməyə göndərilən, lakin ittihamlardan xəbəri olmayan fələstinlilərin həbs müddəti bir və ya daha çox dəfə artırılmaqla 5 ilə qədər uzadıla bilər.

Qeyd edək ki, Fələstin Jurnalistlər Birliyi həmçinin, noyabrın 25-də verdiyi bəyanatda İsrailin Qəzza zolağına hücumlarından sonra 70 jurnalistin həyatını itirdiyini bildirib.