Azərbaycan Respublikası Prezidentinin 23. 05.2023-cü il tarixli Fərmanı ilə: Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin tabeliyində “Əməyin Mühafizəsi Mərkəzi” Publik hüquqi şəxsi yaradılıb.

"Əməyin Mühafizəsi Mərkəzi” Publik hüquqi şəxsin əsas vəzifəsi: iş yerlərində əməyin mühafizəsi qaydalarını təmin etmək, idarə və müəssisələrdə yerlərinin attestasiyasının keçirilməsini təmin etmək,qeyd olunan sahə üzrə biliklərin artırılması, müvafiq təlimlərin keçirilməsidir.

Qeyd olunan sahə ona görə vacib bir sahədir ki, “Əməyin Mühafizəsi Mərkəzi" Publik hüquqi şəxsinin əsas vəzifəsi:

İdarə, müəssisə və təşkilatlarda, işçilər üçün mühüm əhəmiyyət kəsb edın: əməyin mühafizəsi qaydalarının gözlənilməsini təmin etmək, işçilərin bədbəxt hadisə və ya peşə xəstəlikləri nəticəsində xəsarət alması və ya vəfat etməsinin qarşısını almaq, idarə, təşkilatlarda və müəssisələrdə iş yerlərinin attestasiyasının keçirilməsini təmin etmək, attestasiya nəticəsində işçilərə ağır, zərərli və təhlükəli iş şəraitinə görə əlavə əmək haqqı və digər güzəştlərin verilməsini təmin etməkdir.

“Əməyin Mühafizəsi Mərkəzi” Publik hüquqi şəxsi həm də əmək qanunvericiliyinə dair digər normativ hüquqi aktların tələblərinə əməl olunmasına dövlət nəzarətini həyata keçirən Dövlət Əmək Müfəttişliyi Xidmətinin qurumu kimi öz səlahiyyətləri çərçivəsində:

Bu sahədə Əmək Məcəlləsi və digər əmək qanunvericiliyinin pozulmasında təqsirkar şəxslərdən yol verilın hüquq pozuntusunun aradan qaldırılmasını tələb etmək, onları Azərbaycan Respublikasının İnzibati Xətalar Məcəlləsi ilə müəyyən olunmuş hallarda və qaydada inzibati məsuliyyətə cəlb etmək və digər məsuliyyətə cəlb olunması üçün müvafiq orqanlar qarşısında məsələ qaldırmaq hüququna malikdir.

Ümid edirik ki, “Əməyin Mühafizəsi Mərkəzi ”Publik hüquqi şəxsi qanunvericiliklə onlara verilmiş bu səlahiyyətlərini layiqincə yerinə yetirəcəkdir. Qeyd olunan fəaliyyət isə həm işçilərin sağlamlığı üçün mühüm əhəmiyyət kəsb edir, həm onların sağlam və təhlükəsiz şəraitdə işləmək və həm də attestasiyanın nəticələrinə əsasən onlara ödənilə biləcək ağır və zərərli işə görə əlavə ödənişlərin verilməsi ilə bağlıdır.

Azər Quliyev,