“HƏMAS Qəzza zolağında 137 nəfəri - 126 israilli və 11 əcnəbini girov saxlamaqda davam edir”.

Bu barədə İsrail hökumətinin sözçüsü Eylon Levi xarici jurnalistlər üçün keçirdiyi brifinqdə bildirib.

“HƏMAS hələ də 7 oktyabr hücumunda əsir götürülmüş 137 nəfəri girov saxlamaqda davam edir. Bunlardan 126-sı israilli, 11-i əcnəbidir”, - deyə o bildirib.

Levi qeyd edib ki, HƏMAS hərəkatı tərəfindən qaçırılan 110 girov 86-sı israilli və 24-ü əcnəbi olmaqla, noyabrın 24-dən dekabrın 1-dək humanitar atəşkəs zamanı Qəzza zolağından azad edilib.

“İsrailin HƏMAS-a hərbi təzyiqi sayəsində 110 oğurlanmış şəxs humanitar fasilə zamanı Qəzza zolağından azad edilib. Bunlardan 86-sı israilli, 24-ü isə əcnəbidir”, - hökumətinin sözçüsü əlavə edib.