Türkiyənin Milli Kəşfiyyat İdarəsi (MİT) PKK-nın liderlərindən Şirvan Həsəni zərərsizləşdirib.

Bu barədə TRT təhlükəsizlik mənbələrinə istinadla məlumat yayıb.

Bildirilib ki, Türkiyədən təxminən 230 kilometr məsafədə – Suriyanın Deyr əz-Zor şəhərində keçirilən əməliyyatla PKK-nın “səhra zabiti” Roni Velat kod adlı Şirvan Həsən zərərsizləşdirilib.

Qeyd olunub ki, o, 2011-2013-cü illərdə Türkiyədə olarkən təhlükəsizlik qüvvələrinə qarşı terror aktlarında iştirak edib və 2013-cü ildən sonra Suriya ərazisində fəaliyyət göstərməyə başlayıb.