Rusiya Prezidenti Vladimir Putinin 1990-cı illərə aid vizit kartı hərracda 2 milyon rubla (36 min 945 manat) satılıb.

TASS xəbər verir ki, bu barədə Sankt-Peterburq Hərrac Evi məlumat verib.

“İki milyon rubl. Mübarizə kifayət qədər uzun idi. Bəlkə də, beş dəqiqə. Hərrac üçün bu kifayət qədər çoxdur”, - qurumun hərrac prosesi ilə bağlı yaydığı məlumatda deyilir.

Naməlum alıcı kart üçün iki milyon rubl ödəyib. Karıtn başlanğıc qiyməti min rubl olub.

Vizit kart Putin üçün 1990-1991-ci illərdə Leninqrad Şəhər Xalq Deputatları Soveti sədrinin beynəlxalq əlaqələr üzrə müşaviri işlədiyi zaman hazırlanıb. Bu vizit kartında bir neçə telefon nömrəsi Putin tərəfindən əl yazısı ilə yazılıb.