Ermənistanın eks-prezidenti Robert Köçəryana qarşı cinayət təqibi dayandırılıb.

“Sputnik Ermənistan” xəbər verir ki, bu qərarı Anna Danibekyanın sədrlik etdiyi ümumi yurisdiksiya məhkəməsi qəbul edib.

Prokuror qeyd edib ki, bu iş üzrə iddia müddəti may ayında başa çatıb, lakin Köçəryan cinayət təqibinə xitam verilməsinin əleyhinə çıxıb.

Dekabrın 26-da isə ikinci prezidentin vəkilləri cinayət təqibinə xitam verməyə razılaşıblar.

Xatırladaq ki, Robert Köçəryan və ölkənin baş nazirin keçmiş müavini Armen Gevorkyan eyni cinayət işi üzrə təqsirləndirilir. İkinci prezident iş adamı Silva Ambartsumyandan xüsusilə külli miqdarda rüşvət (3 milyon dollar) almaqda, Gevorkyan isə çirkli pulların yuyulmasında ittiham olunub.