İranın Kirman şəhəriində Qasım Süleymaninin məzarının yerləşdiyi qəbiristanlıq yaxınlığında baş verən iki ayrı partlayışda yaralanan daha 5 nəfərin ölməsi ilə ölənlərin sayı 89-a çatıb.

Bu barədə İranın rəsmi İRNA agentliyi məlumat yayıb.

Məlumata görə, ölənlər arasında 12 uşaq, 33 qadın, 44 kişi var. 12 nəfərin isə Əfqanıstan vətəndaşı olduğu bildirilib.

Hücum zamanı ümumilikdə 284 nəfərin yaralandığı, əksəriyyətinin evə buraxıldığı, yaralılardan bəzilərinin isə vəziyyətinin ağır olduğu qeyd edilib.

Hücumu İŞİD terror təşkilatı öz üzərinə götürüb.

Qeyd edək ki, bundan əvvəl İranın daxili işlər naziri Əhməd Vahidi terror aktı nəticəsində 84 nəfərin həyatını itirdiyini, 284 nəfərin isə yaralandığını bildirmişdi.