“Azad edilmiş ərazilərdə artıq seçki məntəqələri qurulub”. 

Bu fikirləri Mərkəzi Seçki Komissiyasının (MSK) Ali Məhkəmə və apellyasiya məhkəmələri ilə birgə layihəsi çərçivəsində seçki mübahisələrinin məhkəmə qaydasında həlli mövzusunda müşavirədə MSK sədri Məzahir Pənahov deyib. 

“İlk həmin məntəqələr təchiz edilib. Artıq orada işlər demək olar ki, tamamlanıb. Orada görülən işlər digər bölgələrdəki seçki məntəqələrinə də nümunə ola bilər. Proseslə bağlı da işləri oradan işıqlandıra bilərsiniz”.

***

MSK sədri əlavə edib ki, seçkidə iştirak edən bütün tərəflərə şikayət və müraciətlər üçün bərabər hüquqlar yaradılır: “Bütün seçki iştirakçıları - prezidentliyə namizədliyi qeydə alınmış şəxslər və onların səlahiyyətli nümayəndələri həmin hüquqlardan yararlana bilərlər. Bizim məqsədimiz odur ki, bütün tərəflər öz hüquqlarını bilsinlər. Müraciətlər qanuna uyğun şəkildə ünvanlanmalıdır”.

(Qafqazinfo)