Azərbaycanda turizm polisinin yaradılması təklif edilib.

Bu təklifi Azərbaycan Turizm Agentlikləri Assosiasiyasının təşkilatçılığı ilə “Turizm sənaye subyektlərinin ilin yekunları və COP29 ərəfəsində çağırışlar” forumunda Azərbaycan Turizm Bloqerləri Assosiasiyasının İdarə Heyətinin üzvü Mirsəməd Cəfərli verib.

O qeyd edib ki, turistik səfərlərdə, eləcə də ölkəmizə gələn turistlərə qarşı dələduzluq hallarının qarşısının alınması üçün turizm polisinin yaradılması yaxşı olardı:

“Malayziya, Tailand, qonşu Özbəkistanda da turizm polisi var. Bizdə də Daxili İşlər Nazirliyi tərkibində xoşgörünümlü insanların cəlbi yaxşı olardı və dələduzluq hallarının qarşısı alınardı”.