Növbədənkənar prezident seçkiləri ilə əlaqədar Azərbaycanın Çindəki və Koreya Respublikasındakı səfirliyimizdə səsverməyə start verilib.

Səsvermə səfirliklərdə yaradılan seçki məntəqəsində yerli vaxtla səhər saat 8:00-da (Bakı vaxtı ilə 03:00) başlayıb.

Qeyd olunub ki, səsvermə prosesi Azərbaycan Respublikası Konstitusiyasına, Seçki Məcəlləsinə və bu sahədəki digər qanunvericilik aktlarına uyğun aparılır.

Bakı ilə saat fərqinə əsasən, səsvermə prosesi ilk olaraq ölkəmizin Seuldakı səfirliyində yaradılan məntəqə seçki komissiyasında başlayıb.

Azərbaycanın Çindəki səfirliyindən verilən məlumata görə isə, səfirlikdə 16 saylı Yasamal ikinci seçki dairəsi üzrə 44 saylı seçki məntəqəsi yaradılıb.