Amerikanın idman geyim istehsalçısı “Nike” 1600-dən çox əməkdaşını ixtisar etmək niyyətindədir ki, bu da şirkətin ümumi işçi qüvvəsinin 2%-ni təşkil edir.

Bu barədə “Wall Street Journal” qəzeti şirkətin daxili sənədinə istinadən məlumat yayıb.

““Nike” cümə axşamı bəyan edib ki, xərcləri azaltmaq üçün işçi qüvvəsini təxminən 2%-ni, 1600-dən çox əməkdaşını ixtisar edəcək”, - sənəddə bildirilib.

Sənədə əsasən, ixtisarlar cümə günü başlayacaq, ikinci mərhələ isə rübün sonunadək başa çatacaq.

Qeyd edək ki, Amerikanın “Nike Inc.” şirkəti idman geyimi, ayaqqabısı və aksessuarları istehsalında dünya bazarında liderlərdən biridir. Əsası 1964-cü ildə qoyulan şirkətin baş ofisi Amerikanın Biverton şəhərində (Oreqon ştatı) yerləşir.