Həştərxan vilayətində baxımsız qalmış yeni doğulmuş oğlan uşağı tapılıb.

32gun.az Rusiya KİV-nə istinadən xəbər verir ki, bu barədə vilayət prokurorluğundan məlumat verilib.

Hadisə rayonun Vatajnoe kəndində baş verib. Körpə evlərdən birinin həyətində tapılıb. Hadisənin təfərrüatları açıqlanmır.

“Hazırda uşaq rayon perinatal mərkəzdədir. Ananın şəxsiyyəti müəyyən edilib”, - deyə məlumatda bildirilib.

Hazırda hüquq-mühafizə orqanlarının əməkdaşları araşdırma aparır. Şöbənin nümayəndələri hadisənin hansı şəraitdə baş verdiyini öyrənəcək və valideynlərin uşağın tərbiyəsi ilə bağlı öhdəliklərini necə yerinə yetirdiyini qiymətləndirəcəklər.