"Çox qohumumuz var. Amma biz bir-birimizlə görüşmürük. Səbəb yəqin böyüklərimizdən irəli gəlir. Onlar bizi bir araya gətirməyiblər".

Axşam.az xəbər verir ki, bu sözləri müğənni Səidə Dadaşova "Xəzər axşamı" proqramında deyib. Mərhum Xalq artisti Rafael Dadaşovun qızı xalaları ilə danışmadığını bildirib:

"Çox xalam var. Onların içində ən böyüyü Səidə Dadaşovadır. Atam onun eşqinə mənə Səidə adını verib. Sadəcə xalalarımda ata bir, ana ayrıdır, amma onlar hamısı bir-biri ilə doğmadırlar. Süleyman babamdan olan xalalarımdır. O xalalarım içində dünyasını dəyişənlər də var. Brilliant xanım da mənim doğma xalamdır və anamın da doğma bacısıdır. Onlar bir atadandırlar. Amma anaları ayrıdır. Babam Süleymanın birinci həyat yoldaşındandır. Sonra isə babam ikinci dəfə Qızxanım xanımla ailə qurub. Qızxanım dünyaya anam Sədaqət xanımı, xalalarım Lalə, İradə, Brilliant və dayım Dadaşı gətirib. Onlara gediş-gəlişim yoxdur. Mən bir tək Səidə xalamla çox doğma və yaxınam. O, çox istiqanlı insandır, həm də biz adaşıq".

Səidə Xalq artisti Brilliant Dadaşova münasibətlərindən söz açıb. O, aparıcının "Brilliant Dadaşova ilə küsülüsünüz" sualına belə reaksiya verib:

"İnsana bir addım gedəndə, o da sənə qarşılıq verməlidir. Heç kimlə küsülü deyiləm. Sadəcə, artıq hər birimizin ailəsi, işi, qayğıları var. Mütəmadi oğlum Rafaellə məşğulam. Zamanında xalalarıma vaxtımın çox hissəsini ayırmışam. Bu dəqiqə o səmərəli vaxtımı övladıma ayırmaq istəyirəm".

Qeyd edək ki, Səidə B.Dadaşovanın bacısı Sədaqət Dadaşovla əmisi oğlu Rafael Dadaşovun qızıdır.