Müğənni Roza Zərgərli ötən həftə söz savaşına çıxan həmkarları Şəbnəm Tovuzlu (Əsədova) ilə Vəfa Şərifovanı barışdırıb.

RegionXəbərləricom.az Bizim.Media-ya istinadən xəbər verir ki, bu hadisə anbaan "Maqazin plyus" verilişində baş tutub.

Roza bu qalmaqalın özünü dırnaqarası fanat adlandırıb "suları bulandıran" həmin şəxsin "işi" olduğunu bildirib:

"Ucuz, "dumbul" adamlardır ortada söz gəzdirirlər və iki müğənninin arasına dava salırlar. Bunlar hamısı boş şeylərdir. Şəbnəm də Vəfa da yaxşı qızlardır. Bu dəqiqə onların adlarını çəkən şəxs ozünü gündəmdə saxlamağa çalışır. Vaxt var idi qəbul etmədiniz insanları indi efirdə müəllimə, xanım kimi təqdim edirsiniz. Bəs nə oldu?".

Daha sonra Zərgərli hər iki müğənniyə zəng edərək, onları barışığa çağırıb. 

Vəfa "Mən Şəbnəmlə barışmaq üçün hansısa addımlar atmışdım. Səhifəmdə də paylaşmışdım ki, qarşı tərəf arxamca nələr deyir və nələr danışır. Deyirlər ki, Şəbnəmin mənim arxamca danışdığı o səsli mesajlar köhnədir. Tutalım ki, köhnədir... Köhnə olsa da o səsli mesajlarda deyilənlər mənim ünvanımadır. O bu sözləri mənə deyib. Mən biabır olanda Şəbnəmə nə olacaq və əlinə nə keçəcək? Siz Roza xanımın xətrini mən dünyalar qədər istəyirəm. "Öl desəz ölərəm, qal desəz qalaram". Sizin bir sözünüzə hər zaman qulluğunuzdayam. Mən tərəfdən Şəbnəm xanıma qarşı heç bir neqativ addım görməyəcəksiniz. Roza xanım mənə zəng vurub xahiş edibsə mən də sizə öz adımdan söz verirəm" sözlərini dilə gətirib.

Şəbnəm isə Rozanın qarşı tərəflə yəni Vəfa ilə barışığa gəlməsi məsələsinə belə reaksiya verib:

"Çalışaram ki, bir daha belə bir şeylər efirdə aramızda yaranmasın. Bizim aparıcı dostlarımızda da günah çoxdur. O xanımın da, mənim də Allah yolumuzu açıq etsin. Amma belə şeylər etmək bir xanıma yaraşmaz. Mən bu xanımla bağlı artıq heç bir başqa söz deyə bilmərəm. Bir tək onu deyə bilərəm ki, Vəfanın sözə getməyi var. Bunu etməsin! Bu söz-söhbət axı nəyə lazımdır? Böyük bir məsələ də deyil. Vəfanın "Qorxdu efirə gəlmədi" dediyi videosunu fanatları dayanmadan atanda mən də söylədim ki, mənim də danışdığım videonu birləşdirin. Çünki, mən də orada məsələ ilə bağlı şərhimi bildirmişəm. Bu duel mənə təklif olunmayıb. Mənə bununla bağlı hər hansısa zəng də gəlməyib. Bu qalmaqal Vəfa ilə aramızda bitdi".

Qeyd edək ki, Vəfa Şərifova sosial şəbəkə hesabında Şəbnəm Tovuzlunun onun barəsində danışdığı səs yazısını yayaraq bu məsələ ilə bağlı münasibət bildirib. Vəfa Şəbnəmin onunla mənasız ədavət apardığını söyləyib. Şəbnəm isə bu səsli mesajların "köhnə" olduğunu vurğulayıb.