Ukrayna Rusiyanın Samara vilayətində iki neft emalı zavoduna PUA ilə hücum edib.

“RİA Novosti” xəbər verir ki, bu barədə vilayətin qubernatoru Dmitri Azarov məlumat verib.

Məlumata görə, martın 16-da səhər saatlarında PUA Sızran neft emalı zavoduna hücum edib. Bundan əlavə, Samara vilayətindəki Novokuibışevski neft emalı zavoduna hücum cəhdi qeydə alınıb.

Onun sözlərinə görə, hadisə nəticəsində Sızran Neft Emalı Zavodunun ərazisində yerləşən neft məhsulları emalı zavodunda yanğın baş verib. Novokuybışevskdəki neftayırma zavoduna hücum cəhdinin isə qarşısı alınıb.

“İlkin məlumatlara görə, xəsarət alan yoxdur”, - deyə vilayət rəhbəri bildirib.

Azarov əlavə edib ki, pilotsuz təyyarələrin hücumunun nəticələrinin aradan qaldırılması üçün regional əməliyyat qərargahı yaradılıb.