Türkiyədə Dövlət Baxçalı yenidən Milliyətçi Hərəkat Partiyasının (MHP) sədri seçilib.

TRT xəbər verir ki, Ankara İdman Salonunda keçirilən qurultayda partiyanın qeydiyyatdan keçmiş üzvləri arasında səsvermə baş tutub.

Səslərin hesablanması başa çatdıqdan sonra Partiya Şurasının sədri Mövlud Karakaya səsverməyə 1295 nümayəndənin qatıldığını bildirib və Baxçalının bütün nümayəndələrin səsini alaraq yenidən sədr seçildiyini açıqlayıb.

Qurultayda yeganə namizəd olan Osmaniye millət vəkili Dövlət Baxçalı 11-ci dəfə sədr seçilib.