Ankara bələdiyyə başqanı Mansur Yavaş bu gün Türkiyədə keçirilən seçkilərlə bağlı ilk dəfə açıqlama verib. 

Yavaş çox qısa danışıb: "Qalib gələcəyimizə şübhəmiz yoxdur". 

Çankayadakı İmam Hatip liseyində səs verən Ankara bələdiyyə başqanı tərəfdarlarına səslənib: "Saat 9-da bələdiyyə binasının qarşısında görüşək". 

Qeyd edək ki, bu gün Türkiyədə bələdiyyə seçkiləri keçirilir. Ankara bələdiyyəsinin hazırkı başqanı Mansur Yavaş paytaxtdakı marafonun favoriti sayılır. Yavaş müxalif Cümhuriyyət Xalq Partiyasını təmsil edir.