Ermənistan 44 günlük müharibədə məğlubiyyətindən lazımi dərs aldı və indi sərhəddə, sözün əsl mənasında, qalalar tikir.

Bunu aprelin 11-də parlamentdə hökumətin 5 illik (2021-2026-cı illər) 2023-cü il üzrə proqramının icrasına dair hesabatın müzakirəsi zamanı Milli Məclisin Müdafiə və Təhlükəsizlik daimi komissiyasının sədri Andranik Koçaryan bildirib.

Onun sözlərinə görə, hərbi-siyasi rəhbərlik müdafiəni intensiv şəkildə gücləndirir:

“Sərhədin perimetri boyunca, sözün əsl mənasında, qalalar tikilir. Onların sayı çox və Ermənistan sərhədinin bütün perimetri boyunca olacaq”.

Deputat bunu bir neçə min il əvvəl xarici düşmənlərdən qorunmaq üçün tikilmiş Böyük Çin səddi ilə müqayisə edib.