"Allah bircə balasını saxlasın, toy qismət eləsin. Allah onun sənət, həyat yolunu hamar etsin. Gözəl qadındır. Gözəlliyinə uyğun daha da gözəl həyat yaşasın". 

Axşam.az xəbər verir ki, bu sözləri Xalq artisti Faiq Ağayev illərdir küsülü olduğu həmkarı Brilliant Dadaşova ilə bağlı suala cavab verərkən deyib. Müğənni Dadaşovaya barışıq əli uzadıb: 

"Bu sözləri ona çatdıracaqlar. Heç bilmirdim bu sualı alacağam. Bundan sonra nə olacaq bilmirəm. O da qarşılıq versə, nə gözəl. Demək, Azərbaycan incəsənətində dostluq var. Niyə də birlikdə verilişdə qonaq olmayaq". 

Qeyd edək ki, F.Ağayev və B.Dadşova illərdir küsülüdür.