Ukraynaya Fransa istehsalı “Mirage 2000” qırıcı təyyarələrinin ilk partiyası çatdırılıb.

Bu barədə məlumatı Fransanın müdafiə naziri Sebastyan Lekornyu “X” hesabında paylaşıb. 

Onun sözlərinə görə, bu təyyarələri Fransada hazırlıq keçmiş ukraynalı pilotlar idarə edir. 

Qeyd edək ki, 2024-cü ilin iyununda Fransa Prezidenti Emmanuel Makron bildirib ki, ölkəsi ukraynalı pilotların hazırlığına dair proqrama başlayacaq və Kiyevə “Mirage 2000-5” qırıcı təyyarələrinin göndərilməsini razılaşdırmağı planlaşdırır. Bu zaman o, pilotların təliminin 5-6 ay tələb edəcəyini qeyd etmişdi.