Azərbaycan insan alverində ittiham olunan Pakistan vətəndaşını Kiprə ekstradisiya edib.Virtualaz.org bildirir ki, bu barədə “Kipr Saatı” xəbər verib.

Məlumata görə, 35 yaşlı pakistanlı 2017-ci ildə insan alveri və çirkli pulların yuyulmasında ittiham olunub. Vəsatətə əsasən, o, Azərbaycanda tutulub və noyabrın 6-da Kiprə göndərilib.

Kipr məhkəməsinə təqdim olunan Pakistan vətəndaşı ifadə verib. Beləliklə, 2017-ci ilin may ayında 19 yaşlı Rumıniya vətəndaşını vətəndaşlıq əldə etmək üçün Banqladeş vətəndaşı ilə uydurma bir nigah bağlamağa inandırıb.

Rumıniya vətəndaşı Kiprə gəlib və cinsi istismara məruz qalıb.

Pakistan vətəndaşı hazırda həbsdədir. İstintaqçılar onun bir sıra digər cinayətlərdə, o cümlədən çirkli pulların yuyulmasında iştirakına dair sübutlar toplayırlar.


Paylaş: