Hindistan hakimiyyəti Rusiya istehsallı Su-30MKİ qırıcılarının əvəzinə, «Rafale» təyyarələrini almaq qərarına gəlib.

«The Economic Times » nəşrinin yazdığı kimi, «Rafale» qırıcılarının uçuş məsfəsi 780-1055 kilometr təşkil etdiyi halda, Su-30MKİ təyyarələrinin uçuş məsafəsi 400-500 kilometr qiymətləndirilir.

Bundan başqa, «Rafale» gün əzində 5 döyüş uçuşu həyata keçirə bildiyi halda, Su-30MKİ-lər cəmi 3 uçuş keçirmək gücündədir. Nəhayət, Fransa qırıcılarının «barrajlama» qabiliyyəti Rusiya təyyarələrindən 1,5 dəfə yüksəkdir.

Hindistan Müdafiə Nazirliyi Su-30MKİ qırıcılarının cəmi bir üsütünlüyünü qeyd edir – onlar ucuzdurlar. İdarədə qeyd ediblər ki, Fransa təyyarələri ən yaxşı «aşkarlama sistemi»nə və silahlara malikdirlər.
Beləliklə, Hindistan ümumi dəyəri 7,87 milyard avro təşkil edən 36 ədəd «Rafale» qırıcısı alıb. Onların ilk partiyası ölkəyə 2020-ci ilin mayında gətirilməidir.


Paylaş: