Korrupsiya ilə Mübarizə Fondunun (KMF) yaradıcısı Aleksey Navalnı Putinə qarşı iddianın “siyasi bəyanat” olmadığını bildirib. KMF Moskvanın Tverskoy rayon məhkəməsində Rusiya prezidenti Vladimir Putinə qarşı kollektiv iddia qaldırıb. Bu barədə “DW” portalına fondun hüquq şöbəsinin rəhbəri, iddiaçı tərəfi təmsil edən Vyaçeslav Gimadi məlumat verib. Sənədin tam mətni fondun saytında yerləşdirilib.

Bəyanatda iddia edilir ki, Rusiya prezidenti “əsas qanunun qarantı” kimi “konstitusiyanı müdafiə etməyə” borcludur, lakin KMF ilə münasibətdə bu öhdəlik “prezident tərəfindən yerinə yetirilməyib”.

Bəyanat müəlliflərinin dediyinə görə, Rusiya Federasiyası İstintaq Komitəsi (İK) tərəfindən FBK vasitəsi ilə çirkli pulların yuyulmasına dair araşdırma zamanı iddiaçıların hüquqları pozulub. Hüquqşünaslar həmçinin xatırladıblar ki, Rusiya prezidenti İK fəaliyyətinə rəhbərlik edir. Öz növbəsində KMF-nin yaradıcısı, müxalifət lideri Aleksey Navalnı “bu iddianın siyasi bəyanat” kimi qiymətləndirilməməsini xahiş edib. İnzibati iddiaçılar qismində fondun özü və onun 14 nümayəndəsi çıxış edir. Onların arasında Lyubov Sobol, İvan Jdanov və Kir Yarmış var. Cümə axşamı Moskvanın Tverskoy Məhkəməsi KMF üzvlərinin Rusiya prezidenti Vladimir Putinə qarşı iddiasını qeydiyyatdan keçirib. “İddianın icra məsələsi müəyyən edilmiş müddətdə həll ediləcək”, - məhkəmədən “Interfaks” agentliyinə məlumat verilib.

Vyaçeslav Gimadi məsələ ilə bağlı “DW” portalına açıqlamasında bildirib ki, iddia Rusiya Federasiyasının mülki prosessual məcəlləsinə əsasən qaldırılmayıb. Əslində, müraciət edənlər Putinin "mülki məsuliyyətə" cəlb edilməsini tələb etmir. Bu o deməkdir ki, konstitusiyanın 91-ci maddəsi bu iddiaya şamil edilmir. Həmin maddədə deyilir ki, Rusiya prezidentinin toxunulmazlıq hüquq var və o, "federal qanunla, o cümlədən mülki qanunla müəyyən edilmiş bir məsuliyyətə cəlb edilə bilməz”. 2013-cü ildə fərdi şəxs - Orsk şəhər sakini Mixail Prokofyevin Putinə qarşı qaldırdığı iddia da məhz bu maddədən dolayı rədd edilmişdi. Gimadi vurğulayıb ki, KMF-nin halında söhbət inzibati prosessual məcəllə çərçivəsində iddiadan, yəni “bir məmurun fəaliyyətsizliyinin və fəaliyyətinin qanunsuz olaraq” tanınmasından gedir. (xpressa.net)

Noyabrın 1-i Moskvanın Zamoskvoretski Məhkəməsi Rusiya Ədliyyə Nazirliyinin KMF-nin “xarici agentlər” reyestrinə salınması ilə bağlı qərarını qanuni hesab edib. İstintaqın gəldiyi nəticəyə əsasən, ABŞ və İspaniyadan olan iki sponsor fonda 140 min rubl pul köçürüb. Ödəmələr KMF vasitəsilə çirkli pulların yuyulması ilə bağlı aparılan araşdıma ilə əlaqədar artıq bloklanıb. Ədliyyə Nazirliyinin nümayəndəsi məhkəmə zalında bildirib ki, xaricdən köçürmə zamanı KMF-nin hesabları dondurulsa da, fond “hüquqi yollarla məbləği geri qaytara və vəsaitdən imtina edə bilərdi”. İspaniyalı sponsor Roberto Fabio Monda Kardenas niyə KMF-yə pul göndərmək qərarına gəldiyinə aydınlıq gətirməyib.


Paylaş: