Noyabrda benzinin bahalaşması ilə əlaqədar İran və Güney Azərbaycan şəhərlərində keçirilən etiraz aksiyalarında öldürülən soydaşlarımızdan daha 1-nin kimliyi müəyyən edilib.

regionxeberlericom.az Teleqraf.com-a  istinadən xəbər verir ki, Ərdəbil şəhərindən olan Siyamək Nəvidi Bildaşi Kiyanşəhr şəhərində keçirilən etirazlarda qətlə yetirilib.

Güney azərbaycanlı gəncin İran təhlükəsizlik orqanlarının əməkdaşlarının odlu silahlardan açdığı atəş nəticəsində həyatını itirdiyi bildirilib.

Noyabrın 15-dən başlayan etiraz aksiyalarından bu yana çoxlu sayda Güney Azərbaycan türkünün həlak olduğu ehtimal edilir. Lakin onlardan hələlik yalnız 16-nın kimliyini müəyyənləşdirmək mümkün olub.

Etiraz aksiyalarında həlak olan güney azərbayclıların adları aşağıdakılardır:

Əmir Hüseyn Abbasi, Seyid Əli Fətuhi Kuhsare, Əli Hüseyni, Əmir Rza Abdullahi (13 yaş), Sepidə Həsəni, Hadi Qurbani, Mehran Zahidi (17 yaş), Məhəmməd Tağı Əlilu, Ramin Ləmse, Hüseyn Sultani, Cavid Mirzayi, İsmayıl Şucayi, Behzad Səfərzadə, Həsən Əlizadə, Əli Frutən Ləgəran və Siyamək Nəvidi Bildaşi.

Əlavə edək ki, noyabrın 15-də benzinin bahalaşmasına etiraz olaraq Güney Azərbaycan və İranın bir çox iri şəhərlərində hökumət əleyhinə etiraz aksiyaları başlayıb.


Paylaş: