Terror qruplaşmalardan olan bir qrup silahlı şəxslər Rusiyanın Suriyada yerləşən Xmeimim aviabazasına hücum etməyə çalışıblar.

APA RİA Novostiy-yə istinadən xəbər verir ki, bu barədə rusiyalı general-mayor Yuri Borenkov bildirib.

Onun sözlərinə görə, hadisə gecə düşməzdən bir qədər əvvəl baş verib: “Terrorçular hücum zamanı pilotsuz uçan aparatlardan istifadə ediblər. Rusiya hava hücumundan müdafiə sistemləri cənub-şərqdən hava bazasına istiaqmətləndirilmiş iki dron aşkar edərək onları məhv edib”.

General-mayor əlavə edib ki, hadisə nəticəsində itki və maddi ziyan olmayıb.


Paylaş: