Braziliya Prezidenti Jair Bolsonaru rəsmi rezedensiyasında yıxılandan sonra müvəqqəti yaddaşını itirib. Bu barədə siyasətçinin özü “Band” telekanalının efirində danışıb.

“Yaş ötdükcə biz uşaqlara bənzəməyə başlayırıq. Dünən mən həqiqətən də sürüşdüm, yaddaşımı itirdim, amma, şükür Allaha, hər şey ötüşdü”, - Prezident deyib.

Onun sözlərinə görə, o, beli üstünə yıxılıb və başını bərk əzib. Lakin yaddaş itməsi müvəqqəti olub. O, səhərisi gün ötən günün hadisələrini xatırlaya bilib.

Xatırladaq ki, dekabrın 23-də Bolsonaru Alvorada Sarayında vanna otağında yıxılıb. Həkimlər onun başını tomoqrafiyadan keçirib. Onda hər hansısa bir dəyişiklik müəyyən edilməyib. Səhərisi gün Prezident hospitaldan evə buraxılıb.


Paylaş: