General Qasım Süleymaninin öldürülməsindən sonra İran-ABŞ gərginliyi həm də maraqlı hadisələrlə müşayiət olunur. İranın ABŞ-ın İraqdakı hərbi bazasına dünənki hücumundan sonra minlərlə amerikalı orduya çağırış alıb. Ancaq daha sonradan bu çağırışların saxta olduğu üzə çıxıb.

Cebhe.info xəbər verir ki, SMS vasitəsilə orduya çağırılan amerikalılara bildirilib ki, təcili olaraq yaxınlqıdakı çağırış məntəqəsinə getsinlər.

Mesaja müsbət cavab verməyənləri cəzanın gözlədiyi barədə də xəbərdarlıq yer alıb. Ancaq diqqəti çəkən məkan mesajlarda həddən artıq qrammatik səhvlər olub. Bundan sonra SMS alanlar onun həqiqiliyinə şübhə etməyə başlayıb və həqiqət beləcə üzə çıxıb. CNN telekanalının məlumatına görə, SMS alanların getdikcə artması ABŞ Silahlı Qüvvələrinin Şəxsi Heyətin Toplanması Komandanlığı rəsmi açıqlama ilə çıxış etmək məcburiyyətində qalıb. Ölkədə 1973-cü ildə məcburi hərbi xidmət ləğv edilib.

Zəruri hallarda ordunun mobilləşməsi ilə bağlı qərar Konqres tərəfindən qəbul edilə bilər. Ancaq qərarın qüvvəyə minməsi üçün Prezidentin imzası lazımdır. İndiki halda isə bu proseslər olmayıb.


Paylaş: