İran parlamentinin deputatı Əhməd Əlirzabeygi Ukrayna təyyarəsinin vurulması ilə bağlı yeni versiya irəli sürüb.
Lenta.ru xəbər verir ki, İran tərəfinin ehtimalına görə, Boeing 737-800 layneri radarlardan gizlədilib. Deputat fikrini belə əsaslandırıb:
“Amerikanın məsələdə rolu istisna edilmir. İslam İnqilabı Keşikçiləri Korpusunda qeyri-peşəkarlar çalışmır. Ehtimal var ki, təyyarə radarlardan gizlədilib. Ola bilər ki, bu təyyarəni uzaqdan idarə ediblər”.
Bununla belə, deputat istintaqın sonunu gözləməyi məsləhət görərək qeyd edib ki, rəsmi Tehran ilk növbədə həlak olanların ailələrinə kompensasiya ödəməlidir.


Paylaş: