Filippinin dövlət başçısı Rodriqo Duterte hökumətin yeni tip koronavirus epidemiyasına qarşı mübarizə çərçivəsində apardığı tədbirlərə qarşı çıxanların vurulması, həmçinin qida və nəğd pul yardımlarının dayandırılması barədə əmr verib.

Yerli televiziya kanallarına açıqlama verən Duterte polislərdən, həkim və səhiyyə işçilərinə kimyəvi maddələrlə hücum edən şəxsləri üzərinə ölümcül maddələr tökməklə və ya onları bu maddələri içməyə məcbur etməklə cəzalandırmalarını istəyib.

Problem yaradan şəxslərin həbsxanalarda ac saxlanılacağını vurğulayan Filippin prezidenti nəğd pul və qida yardımlarının paylanılmasında yaranan gecikmələr və şikayətlər səbəbindən işin siyasətçilərdən alınıb keçmiş bir generala verildiyini, eyni zamanda yardımları oğurlayanlara qarşı çox sərt tədbirlər görüləcəyini ifadə edib.

Qeyd edək ki, Filippində Kovid-19-a yoluxanların sayı 2311-ə, ölənlərin sayı isə 96-ya çatıb.



Paylaş: