“Ermənistanda Nikol Paşinyana qarşı kampaniya başladılıb. Vətən partiyasının sədri, sabiq DTK sədri A. Vanatesyan Paşinyana qarşı yeni siyasi cəbhə formalaşdırır. Həmçinin "Qarbağ klanı" R. Köçəryan və S. Sarkisyan özlərini toparlamağa çalışırlar. Qeyd edim ki, Ermənistanda konstitusiya dəyişiklərindən sonra, Paşinyan hakimiyyəti əlində cəmləşdirsə də, tam nəzarəti ələ ala bilmir”.

Cebhe.info xəbər verir ki, bu fikirlərlə politoloq Məhəmməd Əsədullazadə çıxış edib.

O, qeyd edib ki, Ermənistan müxalifəti payız aylarında birləşib, Paşinyana qarşı mintinqlər və oturaq aksiyalar keçirməyi planlayır:

“Burada proseslər Yerevanda Rusiya səfirliyindən idarə edilir. Paşinyan inqilab etdiyi zaman ABŞ səfirliyi qərargah funksiyasını həyata keçirirdisə, indi əks-inqilab qərargah funksiyasını Rusiya səfirliyi reallaşdırır. Ona görə də baş verənlərdən Paşinyan xəbərdar olduğu üçün Rusiyaya qarşı siyasi isterikanı inkişaf etdirir. Ölkənin inkişafına əngəl kimi Rusiyanı göstərir. Ermənistanda siyasi vəziyyətin mürəkkəb olacağı gözlənilir. Paşinyan daxili auditoriyanı əldə saxlamaq üçün cəbhə xəttində və sərhəddə təxribatlara gedə bilər. Azərbaycan Ermənistandakı prosesləri izləməli, beynəlxalq müstəvidə Qarabağla bağlı diplomatik gedişləri artırılmalı, müharibə haqqımızı qəbul etdirməlidir. Həmçinin danışıqların bundan sonra, əhəmiyyətsiz olduğunu götürməlidir. Məhz Prezident İlham Əliyev danışıqlardan heç bir nəticə gözləmədiyini vurğuladı. Çünki Ermənistanda vəziyyət nəticəyə yönəlmiş sülh danışıqlarının davam etdirilməsini istisna edir. Ona görə də Azərbaycan cəbhə xəttində işğalçıya zərbələr endirməlidir”.

Politoloq əlavə edib ki, Qarabağdakı separatçı rejimə Ermənistan maliyyə ayırmaqda çətinlik çəkir: "Buradakı cinayətkar qruplar problemi Paşinyanda görür. Onların yenidən R. Köçəryan və S. Sarkisyana dəstək verməsi reallaşa bilər. Bu da Paşinyan üçün ciddi siyasi problemə çevriləcək”.


Paylaş: