Rusiyanın müxalifət lideri Aleksey Navalnı Almaniyada həmişəlik qalmaq niyyətində deyil və əvvəlki fəaliyyətini davam etdirmək üçün Rusiyaya qayıtmağı planlaşdırır. Bu barədə bazar ertəsi ABŞ-ın “The New York Times” qəzeti anonimliyinin saxlanılmasını istəyən AFR-in təhlükəsizlik orqanlarının yüksək vəzifəli nümayəndəsinə istinadən xəbər verib.
“O, Almaniyaya mühacirət etməyi planlaşdırmır”, - qəzet mənbənin sözlərini sitat gətirir. “O, Rusiyaya qayıtmaq istəyir, öz missiyasını davam etdirmək istəyir”, - mənbə əlavə edib.
Mənbə qeyd edib ki, Navalnı prokurorla söhbətində Almaniyaya hadisənin birgə araşdırılmasını təklif edən Rusiya ilə əməkdaşlıqdan imtina etdiyini bildirib.
Qeyd edək ki, Navalnını vəziyyəti avqustun 20-də Tomskdan Moskvaya uçan zaman pisləşib. O, Omskda təcili xəstəxanaya yerləşdirilib və iki gün sonra xüsusi reyslə müalicə olunmaq üçün Berlinə yola salınıb. Hazırda o, “Charite” klinikasında müalicə olunur.


Paylaş: