"Tariximizin ən utancverici səhifələrindən birini yaşayırıq. Yalnız Qarabağ deyil, Ermənistan və ermənilərin gələcəyi də təhlükə altındadır. Vəziyyəti dəyişdirmək, dönüş yaratmaq mümkündürmü? Bəli. Amma hazırkı hakimiyyətlə yox" .

Ermənistan Respublikasının sabiq baş naziri və keçmiş müdafiə naziri Vazgen Manukyanın bəyanatında belə deyilir.

Sfera.az xəbər verir ki, bu haqda düşmən ölkənin verelq.am saytı məlumat yayıb.

Vazgen Manukyan özünün "Nə etməli” sualına belə cavab verib:

1. Bu hakimiyyət bütün səlahiyyətləri orduya ötürüb könüllü şəkildə, heç bir müqavimət göstərmədən istefa verməlidir (çünki bu fəlakətlərə səbəb ola bilər-red.)

2. Bütün hakimiyyəti öz əlinə alan ordu, hazırkı hərbi vəziyyətin məntiqinə uyğun olaraq, lazımi tədbirləri həyata keçirmək məqsədi ilə Qarabağla birgə vahid Müdafiə Komitəsi yaratmalıdır.

"Bu yeganə xilas yoludur. Əks təqdirdə biz hər şeyi itirə bilərik”, - deyə bəyanatın mətnində bildirilir.


Paylaş: