2017-ci ilin oktyabrında Moskvada Novoslobodskaya küçəsində baş verən hadisədə Azərbaycan vətəndaşının öldürülməsi ilə bağlı cinayətin üstü açılarkən məlum olub ki, qanun keşikçiləri silsilə qətllər törədən qatili saxlayıblar.

regionxeberlericom.az Virtualaz.org-a istinadən bildirir ki, bu barədə REN TV məlumat yayıb.

O, Daxili İşlər Nazirliyinin istefaya çıxmış podpolkovnikidir. Aydın olub ki, o, yol münaqişəsindən sonra Azərbaycandan olan şəxsi güllələyib.

Belə ki, Moskvaətrafı polisinin sabiq əməkdaşı Aleksey Jdanov işıqforda yubanıb, bu vaxt arxasında dayanan “İnfiniti”nin sürücüsü ona siqnal verib. Təqaüdçünün sözlərinə görə, xarici avtomobilin 38 yaşlı sahibi ona və "Jiquli"sinə nifrətlə baxıb. Onda keçmiş podpolkovnik onu incidənin arxasınca gedib və Novoslobodski küçəsində yaşayış evinin həyətində onunla görüşüb.

Sabiq polisin sözlərinə görə, xarici avtomobilin sürücüsü onu söyüb. O da bundan əsəbiləşib və “Makarov” tapançasını çıxararaq onu güllələyib. Qətldən sonra Jdanov öz "Jiquli"sini yandırıb və silahdan qurtulub, buna baxmayaraq elə həmin gün saxlanılıb. Təqaüdçü qanun keşikçilərinə istefada olan polislərin ağır məişət şəraitindən şikayətlənib.

İstintaq zamanı, müstəntiqlər müəyyən ediblər ki, bu, Jdanovun xoşlanmadığı adamlara qarşı törətdiyi ilk cinayət deyil. Məlum olub ki, o, başqa bir azərbaycanlının öldürülməsində də iştirak edib.

İstintaqın versiyasına görə, o, həmin şəxsi “İnfiniti”nin sürücüsünü güllələməmişdən bir ay əvvəl öldürüb. Kişinin cəsədi Moskvaətrafı Desnovskoye qəsəbəsində meşədə tapılıb. Onun bədənində bıçaq və güllə xəsarətləri olub. Məlum olub ki, ölmüş şəxs taksi xidməti göstərməklə məşğul olurmuş. Müstəntiqlər hələlik taksi sürücüsünün niyə qəzəbə gəldiyiniin səbəblərini müəyyənləşdirirlər.

A.Jdanov Daxili İşlər Nazirliyinin əməkdaşı olarkən soyğunçuluqla bağlı cinayət işinin materiallarının saxtalaşdırmasına görə daxili təhqiqatın hədəfinə gəlib. Bəzi məlumatlara görə, 1999-cu ildə o, zərərçəkmişi öz ərizəsindən imtina etməyə inandırıb. Onda onu işdən çıxarıblar, amma çox keçmədən o, Klimovskda cinayət axtarışının rəisi olub.

İki il sonra Jdanov fahişələrlə əlaqəyə görə yaranan qalmaqalın mərkəzinə düşüb. Məlum olub ki, o, ayda təxminən üç min dollar alaraq, onların “təhlükəsizliyini təmin edirmiş…”.


Paylaş: