Martın 17-də Tanzaniyanın Prezidenti Con Maqufulinin ölümündən sonra vitse-prezident vəzifəsini icra edən Samiyə Həsən Suluhu bu gün Tanzaniyanın altıncı prezidenti kimi and içib.

“Report” TASS-a istinadən xəbər verir ki, bu barədə Tanzaniyanın “The Citizen” qəzeti məlumat yayıb.

Təntənəli mərasim Tanzaniya prezidentlərinin ölkənin ən böyük şəhəri Dar əs Salamdakı rəsmi iqamətgahında baş tutub. Nəşrin yazdığı kimi, bu, Suluhu Afrikanın ölkəsində dövlət başçısı vəzifəsini icra edən ilk qadın olub.

Tanzaniya Konstitusiyasına görə, prezidentin ölümü halında vitse-prezident dövlət başçısı vəzifəsini icra edir və mandatı bitənə qədər vəzifəsində qalır. 61 yaşlı Suluhunun mövcud mandatı 2025-ci ilin sonunda bitir.

Qeyd edək ki, Maqufuli çərşənbə günü Dar əs Salamdakı “Mzena” xəstəxanasında ürək problemi səbəbi ilə vəfat edib.


Paylaş: