İraqın müdafiə naziri Cümə İnad Səudun Xəttab bu gün Ermənistana rəsmi səfər edib.

Ermənistanın Müdafiə Nazirliyində nazir Vaqarşak Harutyunyanla C.Xəttab tərəfdaşlıq və əməkdaşlıq anlaşması imzalayıblar. Sənəd 13 bənddən ibarətdir.

Anlaşma habelə, Ermənistan və İraqın müdafiə nazirlikləri arasında anlaşma və əməkdaşlıq memorandumunun hazırlanması ilə imzalanmasını da nəzərdə tutur.

S.Xəttabın başçılıq etdiyi nümayəndə heyəti bu gün Sisernakarebddəki qondarma “soyqırım” memorial kompleksinə də baş çəkib. O, memoriala əklil qoyaraq “soyqırım qurbanları”nın anımına baş əyib.

Daha sonra iraqlı naziri Ermənistanın baş naziri Nikol Paşinyan qəbul edib.

“Ermənistan İraqı möhkəm tarixi və mədəni əlaqələri olduğu etibarlı tərəfdaş sayır. İraqın hakimiyyət dairələrinin də ölkədəki erməni diasporuna diqqəti bizi məmnun edir. Bundan başqa, Qarabağ məsələsi ilə bağlı İraqın hakimiyyət dairələrinin təmkinli və düşünülmüş mövqeyini təqdir edirik”, – Paşinyan deyib.


Paylaş: