İranda maraqlı proseslər baş verir. Ölkə mətbuatına müsahibə verən xarici işlər naziri Məhəmməd Cavad Zərifin fikirləri sensasiya yaradıb. Cavad Zərif İran İslam İnqilabı Keşikçiləri Korpusunun başqa ölkələrlə əlaqələrə qarışmasından şikayətlənib.

O, hətta ABŞ xüsusi xidmət orqanları tərəfdən İraqda qətlə yetirilən general Qasım Süleymanini də tənqid edib. Zərif bildirib ki, general Süleymani Moskva ilə iş birliyinə girib və Qərb ölkələri ilə razılaşdırılmış nüvə proqramını sabotaj edib.

Sözügedən qalmaqallı müsahibə İran "İnternational" telekanalına sızıb və surəti BBC-nin fars şöbəsində də yayılıb. Bu müsahibə 18 iyuna təyin olunmuş prezident seçkilərindən sonra efirə çıxmalı imiş. Müsahibədən aydın olur ki, general Süleymani ilə danışıqlar Moskavanın təşəbbüsü ilə baş tutub və məqsədləri İranla razılaşdırılacaq beynəlxalq nüvə proqramına mane olmaqdan ibarət olub.

Zərif deyib ki, Rusiya İran Xarici İşlər Nazirliyinin nailiyyətini məhv etmək istəyirdi.Buna görə də o Rusiya XİN başçısı Lavrovla kobud və qeyri-diplomatik dildə danışmağa məcbur olub.Moskvanın nüvə razılaşmasına münasibətindən danışan Zərif deyib ki, İranla Qərbin və ABŞ-ın münasibətlərinin normallaşması Rusiyanın maraqlarına uyğun deyil, ona görə də nüvə razılaşması da onun maraqlarına cavab vermir.

İranla Rusiya arasında yaranmış bu qalmaqala hələ rəsmi münasibət bildirilməyib. General Qasım Süleymaninin İranın deyil, Rusiyanın maraqlarına xidmət etməsi onun haqqında formalaşan fikirlərdə şübhə yaradacağı da gözləniləndir.

Zərif aprelin 28-də "İnstagram"-da yazıb ki, ordu ilə diplomatiya arasında “ağıllı uyğunlaşdırma” tərəfdarı olduğunu deyir. O, səs yazısı qalmaqalından sonra ilk açıqlamasını verib.

Zərif yazıb ki, hüququ strukturlar vasitəsilə və ali dini liderin rəhbərin nəzarəti altında prioritetlər müəyyənləşdirməyin vacibliyini vurğulayıb.

“İslam respublikasını idarə edən hərbi sahədir. Mən diplomatiyanı ona xidmət edən sahəyə deyil, orduya qurban vermişəm”, – Zərif üç saatlıq audioyazıda deyib. Onun sitatlarını “The New York Times” dərc edib.

Zərif "İnstagram" postunda diplomatiya və hərbi sahənin sinerji ehtiyacına dair gizli nəzəri söhbətin daxili çəkişməyə çevrilməsini də pisləyib.

“Özəl ortamda səmimi və çılğın arqument şəxsi tənqid kim yozulub”, – nazir yazır.

Bir gün öncə isə hökumətin sözçüsü elan edib ki, Prezident Həsən Ruhani Kəşfiyyat Nazirliyinə oğurlanmış səsyazısını kimin sızdırdığını müəyyənləşdirmək göstərişi verib, sızdırmanı hökumətə, sistemə, effektiv daxili qurumların bütövlüyünə, eləcə də dövlət maraqlarımıza qarşı sui-qəsd adlandırıb.

Xarici İşlər Nazirliyi səsyazısının selektiv montaj olunduğunu, yeddi saatlıq müsahibədən yalnız şəxsi fikirlərin yayıldığını bildirib. Tehran Prokurorluğu məsələ üzrə cinayət işi açdığını bəyan edib.

ISNA yarırəsmi xəbər agentliyinin məlumatına görə, parlamentin Milli Təhlükəsizlik və Xarici Siyasət Komissiyası Zərifi çağırıb.

Xatırladaq ki, mötədil Ruhani iki müddətdən sonra vəzifədən getməlidir. Ötən il mühafizəkarlar parlament seçkisində yaxşı nəticə göstəriblər.


Paylaş: