Xəbər verildiyi kimi, son günlər Ermənistanda Qqarabağ müharibəsində ölən əsgərlərinin meyitlərinin saxlanılma vəziyyəti ilə bağlı qalmaqal yaşanır. JAMAZ.İNFO xəbər verir ki, Vərəm Xəstəxanasının zirzəmisində aşkarlanan onlarla əsgər meyitindən sonra Ermənistanın Səhiyyə Nazirliyi əhalidən üzr istəyib.

Lakin dünən başqa bir xəstəxanada yüzlərlə erməni əsgərinin meyiti ortaya çıxıb. JAMAZ.İNFO xəbər verir ki, Qexarkun əyalətinin Martuni şəhərində üzə çıxan fakt hamını şoka salıb. Belə ki, Martuni Xəstəxanasının morqunda hazırda yüzdən çox erməni əsgərinin meyitinin olduğu bildirilir. Xəstəxananın baş həkimi Artaş Xaçatryan deyib ki, onların saxlanılma şəraiti qaydalara uyğun şəkildə həyata keçirilir. “Artıq DNT analizlərinin götürülməsi prosesi başa çatıb. Əlimizdə olan meyitlərin bir qismini İrəvana göndərmişik. Yerdə qalan sayla bağlı məlumat verə bilmərik”.

Xaçatryan onu da deyib ki, müharibə başladıqdan sonra onların xəstəxanasına daxil olan meyitlərin sayı 1000-dən yuxarı olub.

Qeyd edək ki, Martuni Xəstəxanasında erməni əsgərlərinin meyitlərinin olması barədə Ermənistan cəmiyyətində məlumat olmayıb. Elə bu səbəbdən də Qarabağ müharibəsində ölən ermənilərin ailələri həmin xəstəxanaya hücum çəkiblər. Onlar daha hansı xəstəxanada gizli şəkildə əsgər meyiti saxlandığı barədə hkumətdən izahat verməsini yələb edirlər.

Xatırladaq ki, Ermənistanın rəsmi məlumatına görə, 44 günlük Qarabağ müharibəsində 5300 erməni əsgəri ölüb, 11 min əsgər isə yaralanıb. İtkin düşənlərin sayı isə 900 nəfər təşkil edir. Bundan başqa, müharibədə Qarabağ terrorçuları tərəfindən döyüşən terrorçulardan da 3200 nəfəri öldürülüb, 1400 nəfəri itkin hesdab edilir. Yaralananların sayı barədə isə dəqiq məlumat yoxdur.



Paylaş: