Ukrayna hələ də Belarusdan sərhədlərin bağlanması barədə rəsmi bildiriş almayıb.

Ovqat.com xəbər verir ki, Ukrayna Xarici İşlər Nazirliyinin sözçüsü Oleq Nikolenko Lukaşenkonun sərhədləri bağlamaq tapşırığını şərh edərkən bildirib.

Nikolenkonun fikrincə, Lukaşenkonun bu qərarından ilk növbədə Belarus xalqı əziyyət çəkəcək.

Sözçü Belarus liderin Ukraynadan silah tədarükü ilə bağlı ittihamlarını qəti şəkildə rədd edərək deyib:

"Biz heç vaxt Belarusun daxili işlərinə qarışmamışıq. Gələcəkdə də bunu etmək niyyətində deyilik. Minskdən də eyni mövqeyini gözləyirik: şimal sərhədimizin təhlükəsizlik sahəsi olaraq qalmasını istəyirik”.

Nikolenko Ukraynanın insan hüquqlarına hörmət etdiyini və Belarusla bağlı siyasətinin bu ölkə xalqının qanunun aliliyinin hökm sürdüyü demokratik dövlətdə layiqli bir həyat qura bilməsi kimi legitim maraqlarını dəstəkləməyə yönəldiyini vurğulayıb.

"Ancaq Ukraynanı xarici təhlükə olaraq göstərmək Belarus xalqını dezinformasiya, repressiya və hədə-qorxu ilə idarə etmək siyasətinə uyğundur. Əminik ki, heç bir absurd ittiham və təhdid Belarus xalqını dost Ukrayna xalqından və insanların hüquqlarını qoruyan Ukrayna dövlətinə hörmətdən döndərə bilməz”, - sözçüsü belə deyib.

Xatırladaq ki, Lukaşenko dünən Ukraynanı Belarusda “yatmış” terror yuvaları qurmaqda ittiham edərək, sərhədlərin tamamilə bağlanmasına qərar vermişdi.


Paylaş: