Madaqaskar Prezidenti Andri Radzuelinaya qarşı sui-qəsd təşkil edilib.

Hakimiyyət orqanları dövlət başçısına sui-qəsd cəhdinin qarşısını alıb.

Hadisə ilə əlaqədar bir neçə əcnəbi, o cümlədən Madaqaskar sakini həbs olunub.

Ölkə prokurorluğunun yaydığı məlumata görə, əməliyyat nəticəsində fransız mənşəli Madaqaskar sakini Pol Rafanoharana və Fransa vətəndaşı Filipp Fransua saxlanılaraq nəzarət altına alınıb. Pol Rafanoharana evində, Filipp Fransua isə Fransaya uçmağa cəhd edərkən yerli hava limanında həbs olunub.

Faktla bağlı araşdırma aparılır.


Paylaş: