Kubada son iki həftə ərzində 6 yüksək rütbəli hərbçi ölüb.

APA xəbər verir ki, bu barədə ölkənin dövlət televiziyası məlumat yayıb.

Onların arasında keçən əsrin 50-ci illərində Fulxensio Batista rejiminə qarşı mübarizənin iştirakçılarından olan Gilberto Antonio Kardero da var.

Hərbçinin yandırıldığı bildirilsə də, ölüm səbəbi barədə məlumat verilməyib.

Kardero 1957-ci ildə inqilabi qüvvələrə qoşularaq Raul Kastronun rəhbərliyi altında döyüşüb.

Qeyd edək ki, bundan başqa, iyulun 18-dən etibarən daha 5 yüksək rütbəli öldüyü rəsmən açıqlanıb.


Paylaş: