SSRİ-yə qarşı uzun müddət vuruşan əfsanəvi əfqan komandir Əhməd şah Məsudun oğlu Əhməd Məsud “Taliban”a qarşı çağırış edib.
Yeniavaz.com xəbər verir ki, bu barədə “The Week” məlumat yayıb. 32 yaşlı Əhməd Məsudun hazırda Pəncşir əyalətində olduğu, müxtəlif komandir və siyasətçilərlə görüşərək “Taliban”a qarşı çıxmaq üçün qüvvə topladığı bildirilir.
Xatırladaq ki, 15 avqustda Taliban Kabilə girərkən Əfqanıstanın vitse-prezidenti Amrulla Saleh tvitter səhifəsində, "Mən heç vaxt və heç bir halda “Taliban” terrorçularına boyun əyməyəcəyəm. Qəhrəmanım Əhməd Şah Məsudun ruhuna və irsinə heç vaxt xəyanət etməyəcəyəm. Məni dinləyən milyonlarla adamı məyus etməyəcəyəm” - deyə yazmışdı. Həmin vaxt Salehin harada olması barədə məlumat yox idi. Daha sonra ortaya çıxan görüntülərdə onun Pəncşir əyalətində “Taliban”a və SSRİ-yə qarşı vuruşmuş komandir Əhməd Şah Məsudun oğlu Əhməd Məsudun yanına getdiyi məlum oldu.



Məlumat üçün deyək ki, Əhməd Şah Məsud Əfqanıstanda əfsanəvi komandir kimi tanınır. O, 80-90-cı illərdə “Taliban”ı bölgədən qovan Şimal İttifaqını quran şəxsdir. 1990-cı ildə müdafiə naziri olub. 2001-ci il 9 sentyabrda, ABŞ-dakı terror hadisələrindən 2 gün əvvəl yaşadığı evdə özlərini jurnalist kimi tanıdan Əl-Qaidə terroçularının özlərini partlatması nəticəsində dünyasını dəyişib.


Qeyd edək ki, Pəncşir taciklərin yaşadığı və “Taliban”ın nəzarətində olmayan yeganə əyalətdir. 2004-cü ildə müstəqilliyini elan edib. 8 rayon və 512 kənddən ibarətdir. 2021-ci ildə aparılan hesablamalara görə, 173 min əhalisi var.

https://twitter.com/IndoPac_Info/status/1427531562803863552?ref_src=twsrc%5Etfw%7Ctwcamp%5Etweetembed%7Ctwterm%5E1427531562803863552%7Ctwgr%5E%7Ctwcon%5Es1_&ref_url=http%3A%2F%2Fwww.yeniavaz.com%2Faz%2Fnews%2F175688%2Fefqanistanda-efsanevi-komandirin-oglu-talibana-qarsi-cagiris-etdi-video



Paylaş: