Dünya Bankı tədqiqatçıları koronavirus pandemiyası səbəbindən aşağı və orta gəlirli ölkələrdə gözləniləndən 267 min daha çox körpənin öldüyünü aşkar ediblər.

Pandemiyanın birinci ilində dünyada ümumi daxili məhsul (ÜDM) təxminən 5 faiz azalıb.

Kasıb ölkələrdə iqtisadi şok yaşlılar və uşaqlar kimi əhalinin həssas qrupları arasında ölümün artmasına da səbəb olur.

Tədqiqatın müəllifləri adambaşına düşən gəliri aşağı və orta olan ölkələrdə ÜDM-in gözlənilən azalmasının bir yaşınadək uşaqların ölüm nisbətinə təsirini qiymətləndirmək qərarına gəliblər.

Elm adamları, ABŞ Beynəlxalq İnkişaf Agentliyi tərəfindən əldə edilən 1985-2018-ci illərdə bu ölkələrdə adambaşına düşən ÜDM haqqında məlumatları birləşdirib. Beynəlxalq Valyuta Fondunun 2019 və 2020-ci illər üçün iqtisadi artım proqnozları da nəzərə alınıb.

İqtisadçıların hesablamaları göstərir ki, aşağı və orta gəlirli ölkələrdə körpə ölümü 2020-ci ildə orta hesabla təxminən 6,8 faiz artıb - gözləniləndən 267,2 min çox körpə ölüb.

Ən yüksək həddindən artıq ölümü isə Cənubi Asiyada (təxminən 113 min körpə) müşahidə edilib. Həddindən artıq ölümlərin üçdə biri yüz minlərlə körpənin ölə biləcəyi Hindistanda baş verdi.


Paylaş: