44 günlük II Qarabağ Müharibəsi zamanı Ermənistan ordusunun cəbhədəki “uğurlu əməliyyatları” haqqında danışan və bununla da erməni ictimaiyyətini aldadan Müdafiə Nazirliyinin keçmiş nümayəndəsi Arsrun Ovannisyan yenə gündəm olub.

Modern.az xəbər verir ki, Ermənistanın bəzi KİV-ləri Arsrun Ovannisyanı yenidən hoqqabazlıqda suçlayıblar. Buna Ovannisyanın dünən Facebook-da yazıdığı bir qeyd səbəb olub.

Belə ki, 44 günlük müharibədəki məğlubiyyətin qeyri-rəsmi simvolu sayılan A.Ovannisyan dünən Zəngəzurda – Ermənistan-Azərbaycan sərhədində yaşanan gərgin vəziyyətlə bağlı yazıb ki, Sünikə gedir, hərəkətə keçməyin vaxtıdır:

“Mən getdim… İndi sadəcə iş vaxtıdır. Eşq olsun Ordumuza”.

Sosial şəbəkələrin erməni istifadəçiləri Arsrun Ovannisyanı susmağa çağırıblar. Ona lağ edənlər də olub, təhqir edənlər də. Hətta bəziləri Arsrunu təhdid edib, söyüb, aşağılayıb, üzr istəməsini tələb ediblər.

Şərh yazan ermənilərin çoxu onu heç olmasa bu dəfə ölkə ictimaiyyətini ələ salmamağa çağırıb.

Erməni mətbuatı yazır ki, Ovannisyan şərhlərin çoxunu öz postunun altından silib. Lakin onun yazısını tirajlayan medianın səhifələrindən bunu edə bilməyib.

Astghik Sahakyan: “Müharibə planlaşdırmışdın, buna görə özünü yenə orda gördün, yalançı əclaf?”

Xandut Zurnaçyan: “Rədd ol get, quldur, bunu heç kim eşitməsin. Çünki ermənilərin düşmənidir”.

Angin Qorqyan: “İndi nə etmək istəyirsən? İstədiyini etdin, bəsdir”.

Lusine Minasyan: “Sən ümumiyyətlə yoxsan, sənin görünüşün məğlubiyyət simvoludur”.

Qohar Xaçatryan: “Başqa bir şey eşidilməlidir, o, yenidən arenadadır, diqqətli olmalıyıq”.

Satine Davtyan: “Heç olmasa, bu dəfə insanlara düzgün məlumat ver”

Ruzanna Hareyan: “Çıx get, ən böyük yalançı”

Ripsik Karapetyan: “Sən yenə yalan çantanı açdın, Arsrun?”.