Sudanda qızıl mədəninin çökməsi nəticəsində 40-dan çox adam ölüb.

Qərbi Kordofan ştatında xilasedicilər sağ qalanların tapılması ümidi ilə axtarışları davam etdirirlər. Mədəndə 46-ya yaxın adamın çalışdığı bildirilib.

Qızıl filizinin kustar üsullarla işləndiyi Umm Darsaya özəl qızıl mədənində bazar günü baş verən qəza nəticəsində bir neçə quyu eyni anda çöküb, bu da yerin altında olan şaxtaçıların çoxunun çölə çıxmaq şansı sıfıra endirib.

Çoxdan qəzalı hesab olunan şaxtada yanvar ayında qayanın uçması nəticəsində dörd şaxtaçı həlak olmuşdu.

Bundan əvvəl hökumət şaxtada bütün işləri qadağan edib, ərazidə yerli təhlükəsizlik qüvvələrinin mühafizəçiləri yerləşdirib. Lakin təxminən iki ay əvvəl mühafizəçilər mədəndən çıxanda işçilər yenidən ora daxil olaraq qanunsuz qazma işlərinə davam ediblər.

Mənbə: TASS