Ukrayna 100 min gülləkeçirməz jilet və dəbilqə verilməsi xahişi ilə Almaniyaya müraciət edib. 

Bu barədə Ukraynanın Almaniyadakı səfiri Andrey Melnik məlumat verib.

“Kiyev Berlindən ərazi müdafiə qüvvələri üçün - Ukrayna Silahlı Qüvvələri ilə çiyin-çiyinə Ukraynanı Rusiyanın hücumundan müdafiə etməyə hazır olan könüllülər üçün ən azı 100 min zireh və dəbilqə gözləyir", - deyə diplomat tvitterdə yazıb.

Bundan əvvəl Almaniyanın müdafiə naziri Kristin Lambrext Almaniyanın Ukraynaya hələlik silah tədarük etmək fikrində olmadığını bildirib. Onun sözlərinə görə, ölkə Ukrayna hərbçiləri üçün səyyar səhra xəstəxanası üçün 5,3 milyon avro ayıracaq və onun istifadəsi üçün təlimlər keçirəcək.