Qazaxıstan Parlamentinin Senatı (yuxarı palatası) respublikanın birinci prezidenti Nursultan Nazarbayevin Təhlükəsizlik Şurasına və Qazaxıstan Xalqları Assambleyasına (QXA) ömürlük sədrliyinin ləğv edilməsi ilə bağlı düzəlişlər qəbul edib.

“TASS” xəbər verir ki, parlament iclası qanunverici orqanın saytında yayımlanıb.

Yanvarın 19-da isə dəyişiklikləri parlamentin aşağı palatası olan Məclisin deputatları təsdiqləyib. Mövcud qanunvericilikdən Nazarbayevə ömürlük Təhlükəsizlik Şurasına və QXA-ya rəhbərlik etmək hüququ verilən müddəalar çıxarılıb.

Qeyd edək ki, qanunvericiliyə bu dəyişikliklərin edilməsi dövlət başçısı tərəfindən təsdiqlənməlidir.